ತುಲುನು ತುಳು ಪಂದಿ ಮಲ್ತಿಲೆಕೊ, ಬೂತೊನು ದೈವ ಪಂದ್ ಮಲ್ತೊಂದುಲ್ಲ ಆತೆ..

ತುಲುನು ತುಳು ಪಂದಿ ಮಲ್ತಿಲೆಕೊ, ಬೂತೊನು ದೈವ ಪಂದ್ ಮಲ್ತೊಂದುಲ್ಲ ಆತೆ..

ಇತ್ತೆ ಕೆಲವು ದಿನೊರ್ದಿಂಚಿ ದೈವ ಬೊಕ್ಕ ಬುತೊ ಪದೊತ ಬಗ್ಗೆ ಚರ್ಚೆ ನಡತ್ತೊಂದುಂಡು. ವಾದ -ಪ್ರತಿವಾದೊಲಾ ಬಾರಿ ಜೋರುಡೇ ನಡತ್ತೊಂದುಂಡು. ಕೆಲವೆರ್ ಬೂತಾರಾಧನೆ, ದೈವರಾಧನೆ ಒಂಜೆ ಪಂಡೆರ್ಡಾ ಕೂಡಾ ಕೆಲವೆರ್ ಬೇತೆ ಬೇತೆ ಪನೊಂದುಲ್ಲೆರ್. ಇತ್ತೆ ದೇವೆರ್ ಮಲ್ವೆ ದೈವ ಎಲ್ಯ ಪನ್ಪಿ ವಾದ ಉಪ್ಪುನ ಪೊರ್ತುಗೇ ಕುಡಾ ಕೆಲವೆರ್ ಕುಡಾ ಒಂತೆ ದುಂಬು ಪೋದು.

ನಮ ದೈವ/ ಬೂತ ಪಂದ್ ಎಂಚಿನ ಪನ್ಪನಾ ಅವೆನ್ ಕೂಡಾ ಮಿತ್ತ ಸ್ಥರ, ತಿರ್ತ ಸ್ಥರ ಮಲ್ತ್, ದೈವ/ಬೂತೊಲೆನ್ ಮಲ್ಲೆ, ಎಲ್ಯ ಪಂದ್ ಮಲ್ದೆರ್. ಮಿತ್ತ್ ದೆನ್ ದೈವರಾಧನೆ, ತಿರ್ತ್ ದೆನ್ ಬೂತಾರಾಧನೆ ಪನೊಂದುಲ್ಲೆರ್. ಕುಡಾ ಕೆಲವೆರ್ ಬೂತ, ದೈವ ಪನೊರ್ದುಂಬು ಸತ್ಯೊಲು ಪನೊಂದಿತ್ತೆರ್ ಪನ್ಪೆರ್.

ಆಂಡ ವಾಸ್ತವ ವಿಷಯ ಏರ್ಲಾ ಪನೊಂದಿಜ್ಜೆರ್. ದೈವ ಪನ್ಪಿನ ಮೂಲ ಸಬುದನೇ ದ್ರಾವಿಡ ಮೂಲೊದ ಅತ್ತ್ ಸತ್ಯೊ ಪನ್ಪಿ ಸಬುದೊಲಾ ಅತ್ತ್. ಬೂತೊ ಪನ್ಪಿ ಸಬುದ  ಆರ್ಯ ಮೂಲೊಡುಲಾ ಉಂಡು, ಆಂಡ ಮೂಲ ದ್ರಾವಿಡೊಡುಲಾ‌ಈ ಸಬುದ ಉಂಡು. ಈ ಬೂತೊ ಪಂಡ ಕರೀದ್ ಪೋಯಿನವ್ ಅತ್ತ್, ಕರೀದ್ ಪೋಯಿನವ್ ಸೈತಿನ, ತೈತಿನ, ಕುಲೆ, ಕಾಲೆ. ಬೂತೊ ಪಂಡ ಶಕ್ತಿಲು..
ನೈಸರ್ಗಿಕ ಶಕ್ತಿಲು.

ಪಾಡ್ದನ ಉಲ್ಲೇಖೊಡುಲಾ ಬೂತಂದೇ ಉಪ್ಪುನಿ. ಈ ದೈವ ಪದ ಪೊಸತ್. ಉಂದು ಮಯೂರವರ್ಮ ರಾಜರಸುನ ಕಾಲೊರ್ದು ಬೊಕ್ಕ ಬೀಜಿನ ಬದಲಾವಣೆದ ಗಾಳಿ. ದೈವ ಲೆಪ್ಪುನ ತಪ್ಪು ದಾಲ ಅತ್ತ್, ಸತ್ಯೊಲು ಲೆತ್ತ್೦ಡಲಾ ತಪ್ಪತ್ತ್, ಬೂತೊಲೆನ್ ಧರ್ಮ ಪಂದ್ ಲಾ ಲೆಪ್ಪುವೆರ್. ದೈವದ ನಂಬುಗೆ ಬೊಕ್ಕ ಕಾರ್ಯ ಕಾರ್ಣೆಕದ ರೀತಿಡ್ ಎರಿಯಕುಲು ಒಂಜೊಜಿ ಪುದರ್ಡ್ ಲೆಯ್ದೆರ್. ಬೂತೊ ಪಂಡ ಹಾಳ್ ಸಬುದ ಪಂದ್ ದೈವ ಲೆಪ್ಪಿ ಬೂತೊ ಲೆಪ್ಪೊಡ್ಚಿ ಪಂಡಿನಕುಲು ಸುರು ಅರ್ಥ ಮಲ್ತೊನ್ಲೆ, ತುಳು ನೆಲ ಮೂಲದ ನಂಬುಗೆವ್ ಈ ಬಾಸೆಡೇ ತೂಲೆ. ಕುಡೊಂಜಿ ಬಾಸೆಡ್ ಅರ್ಥ ಅನರ್ಥ ಆಪುಂಡು ಪಂದ್ ಲೆಪ್ಪು ಪಗಪಡೆ. ಈ ದುಂಬು ತುಲು ಪಂದ್ ಇತ್ತಿನ ಬಾಸೆದ ಪುದರ್ನ್ ತುಳು ಪಂದ್ ಮಲ್ದಿನಕುಲು ನಮನೇ.

ಕನ್ನಡೊಡು  ನಮ್ಮ ಬಾಸೆದ "ತುಲು" ಪನ್ಪಿ ಪುದರ್,
 ಐಟ್ ಉಪ್ಪುನ  ಹಾಳ್ ಪದೊಕು ಕೈತಲ್ ಆಪುಂಡು ಪಂದ್  "ತುಳು" ಪಂದ್ ಮಲ್ದ ನಮ. ನಿಜವಾದ್ ತುಲುಟು "ಳು" ಪನ್ಪಿ ಸಬುದನೇ ಪ್ರಶ್ನಾರ್ಥಕ. ಅಂಚ ತೂವರೆ ಪೋಂಡ "ತುಳು" ಪನ್ಪಿನೆಕ್ ಕನ್ನಡೊಡು "ಆಕ್ರಮಣ" ಪನ್ಪಿ ಅರ್ಥ ಉಂಡುಗೆ. ತುಲುಟು ತುಲು ಪಂಡ ಮೆದು ಪನ್ಪಿ ಅರ್ಥ ಉಪ್ಪುನಿ.

ಇತ್ತಿ ಪನ್ಲೆ ಆಕ್ರಮಣ ಓಲು?
"ಮೆದು" ಓಲು?

ತುಲುನು ತುಲುಟು ತೂಲೆ. ಕನ್ನಡ,‌ ಮಲಯಾಳಂ, ಸಂಸ್ಕಂತದ ಕನ್ನಡಕ ದೀದ್ ತೂವೋಡ್ಚಿ. ಅಪಗ ಬೂತೊ ಪಂಡ ದಾದಂದ್ ಗೊತ್ತಾವ್.

ಜೈ ತುಳುನಾಡ್ ಸಂಘಟನೆ